Li gorî Nûçeyan a Ajansa Navneteweyî ya Ehlê Beyt (s.x.) — ABNA —Nûçegihanê tora el-Meyadînê yê li nêzîkî Tengava Hurmuzê, îro Duşem, 17ê mehaTebaxê, ragihand ku sedên keştî li başûrê Tengava Hurmuzê li benda derxistina pejirandina Hêza Deryayî ya Sepaha Pasdaran a Şoreşa Îslamî ne ji bo derbasbûna ji vê rêgeha avî.
Ev nûçe di demekê de ye ku Donald Trump gelek caran îdîa kiriye ku Tengava Hurmuzê di bin kontrola Amerîkayê de ye.
Wî heta sê roj berê jî gotibû ku Amerîka dê Tengava Hurmuzê li axa xwe zêde bike; her çend piştî reaksiyonên bi tinaz, rayedarekî Qesra Spî ji rojnameya Wall Street Journal re got ku Trump henek kiriye.
Medyaya Amerîkî MSNBC jî yekşema borî di analîzekê de nivîsî ku îdîaya Donald Trump a derbarê kontrola bêkêmasî ya Amerîkayê li ser Tengava Hurmuzê bi rastiyên qada şer re li hev nake û ew bi gotûgotinên xwe yên derbarê serdestiya Amerîkayê hewl dide rastiyeke cuda veşêre — û ew rastî jî ew e ku Îran lewheyên zexta xwe zêde dike.
Li gorî nivîsa vê medyayê, çûnûhatina deryayî li Tengava Hurmuzê hê jî bi beşeke piçûk a asta beriya şer ve hatiye sinordarkirin, ji ber ku Amerîka nikare derbasbûna ewle ya keştiyên bazirganî misoger bike; moşek, drone û keştiyên Îranê jî hê jî ji bo keştiyên ku li gorî rêzikên Tehranê tevnagerin, gefeke cidî tên hesibandin.
Çarşema hefteya borî jî rojnameya Wall Street Journal bi belavkirina amar û reqemên nû, îdîaya Donald Trump a derbarê desthilatdariya Dewletên Yekbûyî li ser Tengava Hurmuzê kire pirsê.
Ev rojname bi paldana li daneyên saziyên şopandina çûnûhatina keştiyan ragihand ku rojek beriya belavkirina vê raporê, tenê 14 keştî ji vê rêgeha avî ya navneteweyî derbas bûne. Ev di demekê de ye ku beriya şer rojane 130 keştî ji vê rê derbas dibûn.
Di vê çarçoveyê de, Emin Nasir, rêveberê giştî yê pargîdaniya Siûdî ya Aramco, gotiye ku desthilatdariya Îranê li ser tengavê, ji destpêka şerê Amerîka û Israîlê di meha sibatê de, zêdetirî 2.6 milyar bermîl neft ji bo cîhanê lêçûn daye.
Li gorî daneyên pargîdaniya şopandina keştiyan a Kpler ku Wall Street Journal pê paldaye, nêzîkî nîvê keştiyên ku di meha tebaxê de metirsiya derbasbûna tengavê qebûl kirine, rêyeke ku ji aliyê Îranê ve tê birêvebirin hilbijartiye. Li gorî rapora vê rojnameyê, ji 166 derbasbûnên ku di meha tebaxê de pêk hatine, tenê du heb ji rêya di bin piştevaniya Amerîkayê de li kêleka Omanê bikar anîne.
Dawiya peyamê
Etîket: Amerîka • Îran • Donald Trump • Trump • Tora el-Meyadînê • Tengava Hurmuzê
Your Comment